Home News Breaking පාසල් ළමුන් සඳහා පැවැත්වෙන උපකාරක පන්ති වැළැක්වීමට පියවර

පාසල් ළමුන් සඳහා පැවැත්වෙන උපකාරක පන්ති වැළැක්වීමට පියවර

249 views

පාසල් පැවැත්වෙන උදෑසන 7.30 සිට පස්වරු 1.30 දක්වා කාලය තුළ උපකාරක පන්ති පැවැත්වීම වළක්වාලීම සඳහා වන යෝජනාවක් කැබිනට් මණ්ඩලයට ඉදිරිපත් කරන බව අධ්‍යාපන අමාත්‍ය අකිල විරාජ් කාරියවසම් ඊයේ (05) පාර්ලිමේන්තුවේ දී ප්‍රකාශ කළා.

අමාත්‍යවරයා පැවසුවේ, ඇතැම් අවස්ථාවලදී පාසල් දරුවන් පාසල් නොපැමිණ උපකාරක පන්තිවලට සහභාගිවීම විලාසිතාවක් වී ඇති බවයි.

මේ තත්ත්වය තුළ පාසල්වල අධ්‍යයන කටයුතු වලට ද බාධා එල්ල වී ඇති අතර උසස් පෙළට අදාළ ඇතැම් ප්‍රායෝගික පරීක්ෂණ කටයුතු සහ අධ්‍යයන කටයුතු ද දරුවන්ට අහිමි වී තිබෙනවා.

ඇතැම් පාසල්වල උසස් පෙළ පන්ති වල සිසුන් පාසල් පැමිණීම ශීඝ්‍ර ලෙස පහත වැටීමට මෙය හේතුවක් වී ඇති අතර පවතින තත්ත්වයට පිළියමක් ලෙස පාසල් දරුවන් පාසල් වේලාව තුළ සම්බන්ධ කරගනිමින් උපකාරක පන්ති පැවැත්වීම සම්පූර්ණයෙන් තහනම් කිරීමට මෙම කැබිනට් පත්‍රිකාව ඉදිරිපත් කිරීමට නියමිතයි.

විදුහල්පතිවරුන්ගෙන්, ගුරුවරුන්ගෙන් සහ මාපියන්ගෙන් ලැබුණු ඉල්ලීම් ද සැලකිල්ලට ගනිමින් අධ්‍යාපන අමාත්‍යවරයා මෙම තීරණය ගෙන තිබෙනවා.

මේ අතර 2018 වසරේ දී පැවැත්වෙන අ.පො.ස. උසස් පෙළ විභාගයට පෙනී සිටින පාසල් අයදුම්කරුවන්ගේ 80% ක පාසල් පැමිණීම සලකා බැලීමේ දී පසුගිය කාලයේ පැවති ගංවතුර සහ නායයාම් ඇතුළු ස්වභාවික ආපදාවන්ගේ බලපෑමට ලක් වූ සිසුන්ගේ පැමිණීම සම්බන්ධයෙන් සහනයක් සලසන ලෙස තමන් අදාළ නිලධාරීන්ට උපදෙස් ලබා දී ඇති බව ද අධ්‍යාපන අමාත්‍ය අකිල විරාජ් කාරියවසම්පා ර්ලිමේන්තුවේ දී සඳහන් කළා.

cnews

because of, very important, usually, always,and, first of all, also, another, furthermore, finally;most of all, most noteworthy, especially relevant

in addition, as a result, hence, consequently, therefore, in conclusion;seems like, maybe, probably, almost;same, less, rather, while, yet, opposite, much as, either

cnews gossip site