Home News Breaking Big Match සම්බන්ධයෙන් සාගලගෙන් සැර ප්‍රකාශයක්

Big Match සම්බන්ධයෙන් සාගලගෙන් සැර ප්‍රකාශයක්

427 views
SHARE

පාසල් මහා ක්‍රිකට් තරග සම්බන්ධයෙන් නීතිය හා සාමය සහ දක්ෂිණ සංවර්ධන අමාත්‍ය සාගල රත්නායක මාධ්‍ය නිවේදනයක් නිකුත් කර තිබෙනවා.

එම නිවේදනය පහතින්.

“කොළඹ ඇතුළු ප්‍රධාන නගර කිහිපයක මේ දින වල පැවැත්වෙන පාසල් මහා ක්‍රිකට් තරග මුල් කර ගනිමින් ඇතැම් පාසල් වල සිසුන් නීතිය කඩ කරමින් අශෝභන ලෙස හැසිරීම සම්බන්ධයෙන් වාර්තා කිහිපයක් ලැබී තිබේ.

පසුගියදා කොළඹ ප්‍රධාන පිරිමි පාසලක සිසුන් පිරිසක් බාලිකා පාසලකට බලහත්කාරයෙන් ඇතුල් වී අශෝභන ලෙස හා නීතිය කඩ කරමින් හැසිරුණු ආකාරය මීට ආසන්නම උදාහරණය වේ.

සම්ප්‍රදායක් ලෙස පැවැත්වෙන පාසල් මහා ක්‍රිකට් තරගවලදී පාසල් සිසුන්ට ප්‍රීති වීමට හා විනෝද වීමට ඇති අයිතිය පිළිගන්නා මුත් පාසල් පද්ධතියට හෝ සාමාන්‍ය ජනතාවට කිසිදු අපහසුතාවයකට හා කරදර වලට භාජනය නොවන ආකාරයට නීතිය හා සාමය පවත්වාගෙන යාම රජයේ ස්ථාවරයයි.එම නිසා නීතිය හා සාමය පවත්වාගෙන යාම වෙනුවෙන් විෂයභාර අමාත්‍යවරයා ලෙස මෙවැනි අශෝභනකාරී හැසිරීම් වලට කිසිදු ඉඩක් නොමැති බව දන්වා සිටිමි.

පාසල් මහා ක්‍රිකට් තරග පැවැත්වෙන ප්‍රදේශ ආශ්‍රිතව ඇති මහාමාර්ගවල සහ බාලිකා පාසල් පරිශ්‍රයන් හා ඒ අවට නීතිය හා සාමය පවත්වාගෙන යාම සදහා අවශ්‍ය පියවර ගන්නා ලෙස පොලිස්පතිවරයා ඇතුළු අදාළ පාර්ශව වෙත මා විසින් උපදෙස් ලබා දී ඇත.එමෙන්ම මෙවැනි අශෝභනකාරී ලෙස හැසිරීමට මෙන්ම නීතිය හා සාමය කඩ කිරීමට උත්සහ ගන්නා පාර්ශව වෙත නීතිය තදින් ක්‍රියාත්මක කිරීමට පියවර ගන්නා ලෙසද දැනුම් දී ඇත.

ක්‍රිඩාව යනු කිසිසේත්ම ප්‍රචණ්ඩකාරී මුහුණුවරක් ගත යුත්තක් නොවේ.හුදෙක් එය අන්‍යෝන්‍ය සුහදතාවය හා පුද්ගල වර්ධනය වෙනුවෙන් පවත්වන්නකි.එමෙන්ම මෙවැනි සිද්ධීන් ඇති වීම වළක්වා ගැනීමට දෙමව්පියන්,විදුහල්පතිවරු හා ගුරුභවතුන් මෙන්ම ආදි ශිෂ්‍යයන් මූලික පියවර ගත යුතු බව අවධාරණය කර සිටින්නෙමි. “

 

cnews

because of, very important, usually, always,and,
first of all, also, another, furthermore, finally;most of all, most noteworthy, especially relevant

in addition, as a result, hence, consequently, therefore,
in conclusion;seems like, maybe, probably, almost;same, less, rather, while, yet, opposite, much as, either

cnews gossip site