Home C Gossip අන්තිමේදී අමායට වුණේ සමිතාට වුණු දේමද?

අන්තිමේදී අමායට වුණේ සමිතාට වුණු දේමද?

2,327 views
SHARE

අතුල සමිතාගෙන් වෙන් වෙද්දි සමිතා තනිවුණේ ළමයි දෙන්නෙක් එක්ක. ලොකු වයස් පරතරෙකුත් එක්ක අමායා එක්ක අතුල යුග දිවියට පිවිසිලා සතුටින් කාලය ගත කලා. දෙන්නට දෙන්නා නැතුවම බැරි වුණා. කාලයත් එක්ක අමායා, සමිතා වගේම තනි වුණේ හුරතල් දියණියක් එක්ක. ඇතිවෙන නැතිවෙන බැඳීම් සහ ජීවිතේ වැරදුණු තැන් ගැන අමායා අධිකාරි පසුගිය දවසක මාධ්‍යයට කියලා තිබුණේ මෙන්න මේ විදියට.

දුව අතුලවත් නිතරම හොයනවද?

ඇත්තම කතාව දුවට දැන් අතුල ගැන මතක් වෙන්නේ නැති තරම් කියන එක. මොකද අතුල අයියා අපිත් එක්ක එක ගෙදර හිටියේ දුවට අවුරුදු දෙකක් වෙනකල් විතරයි. එයා දැන් තනියම ගෙදරක ඉන්නේ. දුව එයාව දකින්නේ මාසෙකට සැරයක් විතර. අතුල අයියා ගෙදරින් ගියපු මුල් දවස්වලට තාත්ති කෝ කියලා දුව එයාව හෙව්වා. දැන් ගාණක් නැහැ.

අතුල, අමායයි දුවයි ගැන හොයලා බලනවද?

හොයලා බලනවා. කතාත් කරනවා. හැබැයි ඉස්සර වගේ නිතර කතා කරන්නේ නැහැ. ඒත් අපි වෙන්වෙලාවත් දික්කසාද වෙලාවත් නැහැ.

එතකොට ඇයි අතුල එකපාරටම යන්න ගියේ?

අතුල අයියා හැමදාම පවුල් ජීවිතේට වඩා එයාගේ සංගීත වැඩවලට මුල්තැන දීපු කෙනෙක්. වැඩවලට ‍ලේසි වෙන්න කියලා තමයි ගෙදරින් ගියේ. බඳින්න කලින් නම් මාව නැතිව බැරි වුණා. හැමදාම ළඟ ඉන්නකොට අගේ අඩුවෙනවා කියලා හිතුණද දන්නේ නැහැනේ.

අමායා කැමැති වුණාද අතුල ගෙදරින් යනවාට?

මට අතුල අයියව නැතිව ඉන්න බැරි කාලයක් තිබුණා. ඒ කා‍ලේ එයා එක දවසකට රට යනවා කිව්වත් මම පෙරළි පෙරළී ඇඬුවා. ඒත් දැන් හැමදේම හරි ගිහින් එයාට වෙනම ඉන්න ඕන කිව්වම මම එයාගේ කැමැත්තට ඉඩදුන්නා.

ඔය තීරණේ ගත්තේ දෙන්නගේ හිත් අමනාපකමක් නිසාද?

අතුල අයියා ක්ෂණිකව ගොඩක් තරහා ගන්න කෙනෙක්. එයාගේ ඒ විදිහත් එක්ක තනි ජීවිතේ එයාට හොඳ ඇති. අපි එක ගෙදර නොහිටියට තරහක් නම් අපි අතර නැහැ.

අමායා අතුලව ළං කරගත්තේ අමාරුවෙන්. ඇයි ‍ලේසියෙන්ම යන්න දුන්නේ?

මම අතුල අයියට ළං වෙද්දී මට ගොඩක් ප්‍රශ්න ආවා. මගේ ගෙදරින් පවා අකැමැති වුණා. සමාජය මට නොකියපු දෙයක් නැහැ. මම මගේ තනි කැමැත්තට හැමදේම කළේ. අද මම ඉඩ දීලා තියෙන්නේ අතුල අයියගේ කැමැත්තට. එයා මගෙන් ඈත් වුණු එක ගැන මට දුකයි. ඊටත් වඩා දුකයි එයා මගේ දරුවාගෙන් ඈත් වුණු එකට.

අතුල අමායවත් අත්හැරලා කිව්වම ආයෙත් අමායාට කතා හැදෙයිනේ?

දැනටමත් එක එක්කෙනා එක එක කතා කියනවා. මොකද දැනටමත් සමහර අය දන්නවා අතුල අයියා ඉන්නේ වෙනම කියලා. දැන් ඔය කතා අහලා මට හොඳට පුරුදුයි. අනික ඔය කතා අහලා මම උත්තර දෙන්න යන්නෙත් නැහැ.

අන්තිමේදී අමායට වුණේ සමිතාට වුණු දේමද?

එයා මාව අතහැරලාම නැහැ. ඒ වුණත් මේ යන විදිහට මම තනිවේවී. මගේ දරුවා එක්ක. එයාට වැඩි ආසාව තියෙන්නේ තනියම ඉන්න වෙන්න ඇති. ගෙදර හිටියත් එයා තනියම ඉන්න තමයි කැමැති වුණේ. බඳින්න කලින් එයාගේ ඔය තනිවෙන පුරුද්ද ගැන මම දැනගෙන හිටියේ නැහැ. දැනගෙන හිටියා නම් බඳින්නෙත් නැහැ.

ඔය දෙන්නා අතරේ තියෙන්නේ වයස ප්‍රශ්නයක්?

මම ඉස්සරනම් කිව්වේ මගෙයි අතුල අයියගෙයි වයස්වල වෙනසක් නෑ කියලා. ඒ වුණාට මට නම් දැනෙනවා වයස ප්‍රශ්නයක් තියෙනවදෝ කියලා. අතුල අයියට 51 යි. මට 28 යි. ඇත්තටම අපි දෙන්නගේ හැඟීම් වෙනස්. මම තාම තරුණයි.

අතුලගේ වෙනසට පවු‍ලේ වගකීම් වැඩි වුණු එකත් හේතුවක්ද?

අතුල අයියා සමිතාව තනි කළෙත් දරුවෝ දෙන්නෙකුගේ වගකීම දීලා. එයා මටත් දරුවකුගේ වගකීම දුන්නා. එයා මේ කරන වැඩේ වගකීම්වලින් පැනලා යාමක් වගේ. එයාට ඕන කරන තනිකඩ ජීවිතේ වෙනුවෙන් එයා හැමදේම අත්හරිනවා.

අතුල නිසා සමිතාට වුණු දේම අමායාටත් වුණා කිව්වොත්?

අතුලගෙයි සමිතගෙයි පවුල කැඩුණේ මම නිසා නෙමෙයි. ඒ දෙන්නගේ පවුල කැඩෙන්න ඇත්තම හේතුව ඒ දෙන්නා කියන්නේ නැහැනේ. මට නම් වුණේ අතුල අයියා අමුතු ගති තියෙන කෙනෙක් බව දැන දැනම අමාරුවක වැටුණු එක.

අමායා අතුලව දැනගෙන කොච්චර කල්ද?

දැන් අවුරුදු 10 ක් වෙනවා. එයා හැරෙද්දී මට කියන්න පුළුවන් එයා කරන්න යන දේ. මට හිතෙනවා අතුල සමිතා කියන බැඳීමට වඩා අතුල අමායා බැඳීම හයියයි කියලා.

බැඳීම හයියනම් දාලා ගියේ කාගේ වරදින්ද?

තාම අපි වෙන්වෙනවා කියලා තීරණය කරලා නැහැ. ඒත් අපේ බැඳීම්වලට වඩා එයාට එයාගේ වැඩ ලොකු වෙලා.

දෙන්නා අතරේ වැරදි වැටහීමක්වත් ද?

අපි හරි විවෘතව හැමදේම කතා කළා. හොරෙන් කරන දේවල් අපි අතරේ තිබුණේ නැහැ. එයාට මේ දේවල් ඇති කියලා හිතෙන්න ඇති. සමහර විට ජීවිතේ වගකීම් දරාගන්න බැරිකමක් වෙන්නත් පුළුවන්.

අතුල සමිතා ආයේ එකතු වුණොත්?

අතුල සමිතා එක්ක ආයේ දීග කන්න ගියත් මට කමක් නැහැ. මට දුක මගේ දුව ගැන. අතුල අයියා සමිතාව අත්හැරියේ දරුවෝ ලොකු කා‍ලේ. ඒත් මගේ දුව තාම නොතේරෙන වයසේ. මට ඒ ගැන තරහකුයි දුකකුයි තියෙනවා.

අමායාට තනියම ජීවත් වෙන්න පුළුවන්ද?

මම අහසින් කඩා වැටුණු කෙනෙක් නෙමෙයි. මට මගේ හැකියාවලින් රස්සාවක් කරලා මගේ ජීවිතේ වැටෙන්නේ නැතිව තියාගන්න පුළුවන්. මම තාම තරුණයි.

ඒ කියන්නේ ඉඩ ලැබුණොත් ආයේ විවාහ වෙනවා?

වැරදි තීරණයක් නිසා මට වැරදුණා කියලා හිත හදාගෙන හරියන කෙනෙක් ලැබුණොත් විවාහ වෙනවා. ආයේ බඳින එකේ වරදක් තියෙනවා කියලා මම හිතන්නේ නෑ.

ආයේ වැරදුණොත්?

ආයෙමත් වැරදෙන්න මම ඉඩදෙන්නේ නෑ. දැන් මාව රවට්ටන්නත් බෑ. රැවටෙන්නෙත් නෑ.

ඒ කියන්නේ අතුල අමායාව රැවැට්ටුවාද?

එහෙම නෙමෙයි. ඒත් අවුරුදු 10 ක් දැනගෙන ඉඳලත් ඇත්ත කෙනාව හඳුනාගන්න බැරි වුණා. එක අතකින් අවුරුදු 16 ක් එකට හිටපු සමිතටත් අතුල අයියව හරියට තේරුණේ නැති එකේ මේ වෙච්ච දේ පුදුමත් නෑ.

ඉක්මනටම අමායාගෙන් අධිකාරී නම ගැලවෙයිද?

අධිකාරි නම හම්බ වුණු නිසා තමයි ප්‍රශ්න ගොඩකට පස්සෙත් මම මෙහෙම ඉන්නේ. මට දැන් හිතෙනවා. මම ඒ නම බලෙන් ගත්තද කියලත්. ඒ නමේ අයිතිකාරයාට මාව එපා නම් මටත් ඒ නම එපා. එහෙම වුණොත් තව අලුත් දේවල් මගේ ජීවිතේට එකතු වේවී.

අමායාගෙයි අනුජ්ගෙයි තියෙන යාළුකම කොයි වගේද?

මම රූපවාහිනියේ වැඩසටහන කරන අනුජ් මගේ යාළුවෙක් විතරයි. අපි වැඩසටහනට අත් අල්ලගෙන හිටපු පලියට අනුජ්ටයි මටයි නම් කතා හදන්න එපා. මගේ ජීවිතේට ආවොත් එන්නේ වෙන කෙනෙක්. ඉස්සරහට වෙන දේවල් බලලා ඒ ගැන කතා කරමු.

 

cnews

because of, very important, usually, always,and,
first of all, also, another, furthermore, finally;most of all, most noteworthy, especially relevant

in addition, as a result, hence, consequently, therefore,
in conclusion;seems like, maybe, probably, almost;same, less, rather, while, yet, opposite, much as, either

cnews gossip site

cnews

because of, very important, usually, always,and,
first of all, also, another, furthermore, finally;most of all, most noteworthy, especially relevant

in addition, as a result, hence, consequently, therefore,
in conclusion;seems like, maybe, probably, almost;same, less, rather, while, yet, opposite, much as, either

cnews gossip site

cnews

because of, very important, usually, always,and,
first of all, also, another, furthermore, finally;most of all, most noteworthy, especially relevant

in addition, as a result, hence, consequently, therefore,
in conclusion;seems like, maybe, probably, almost;same, less, rather, while, yet, opposite, much as, either

cnews gossip site